دوای ئەوەی شەوی رابردوو وەفدی ئەنجوومەنی وەزاریی ئابووریی عێراق گەیشتنە هەرێم، بڕیارە ئەمڕۆ بە سەرۆکایەتیی تەیف سامی کۆبوونەوەکانیان لەبارەی شایستە داراییەکان دەستپێبکەن.
بەپێی بەرنامەی کاری کۆبوونەوەکانی وەفدەکەی عێراق، ئەمڕۆ یەکشەممە بە سەرۆکایەتیی تەیف سامی وەزیری دارایی کۆبوونەوەکانیان دەستپێدەکەن.
بڕیارە لە کۆبوونەوەکاندا لەگەڵ بەرپرسانی هەرێمدا گفتوگۆ لەبارەی شایستە دەستوورییەکانی هەرێم بکرێت بەتایبەت شایستە داراییەکان.
هاوکات بڕیارە سەرجەم دۆسییە هەڵپەسێردراوەکانی نێوان هەردوو لا تاووتوێبکرێن.
