“کۆبوونەوەی وەفدی هەرێم لەگەڵ بەغداد بۆ چارەسەری کێشەی مووچە و نەوت دەستیپێکرد”

وەزارەتی سامانە سروشتییەکانی هەرێم رایدەگەیەنێت، ” کۆبوونەوەی وەفدی هەرێم لەگەڵ بەغداد بۆ چارەسەری کێشەی مووچە و نەوت دەستیپێکرد”.

وەزارەتی سامانە سروشتییەکانی هەرێم لە راگەیاندراوێکدا بڵاویکردەوە، ئەمڕۆ کۆبوونەوەکانی وەفدی حکومەتی هەرێمی کوردستان، لەگەڵ بەرپرسانی حکومەتی فیدراڵی لەبارەی هەموارکردنەوەی یاسای بودجە و چارەسەرکردنی کێشەی مووچەی فەرمانبەرانی هەرێمی کوردستان و گرێبەستەکانی نەوت دەستیپێکرد.

رۆژی رابردوو، 6ی کانونی دووەمی 2024، وەفدێکی حکومەتی هەرێمی کوردستان بەسەرۆکایەتی ئاوات جەناب نوری، وەزیری دارایی و ئابووری و ئەندامێتی کەمال محەممەد ساڵح، وەزیری سامانە سرووشتییەکان بەوەکالەت و ئومێد سەباح، سەرۆکی دیوانی ئەنجومەنی وەزیران و ئامانج رەحیم سکرتێری ئەنجومەنی وەزیران و چەند بەرپرسێکی دیکەی حکومەتی هەرێم سەردانی بەغدادیان کرد.