داڕووخانی خانوویەك لە قەزای حاجیاوا گیانلەدەستدانی كرێكارێك و برینداربوونی چواری دیكەی لێكەوتەوە.
پاش نیوەڕۆی ئەمڕۆ لەكاتی كاركردنی ژمارەیەك كرێكار لە خانوویەكی تازە دروستكراو لە گەڕەكی دابان-ی قەزای حاجیاوا، بەشێكی خانووەكە داڕووخا.
پەیامنێرمان لە ئیدارەی راپەڕین پێی راگەیاندین، بەهۆی رووداوەكەوە كرێكارێك گیانیلەدەستداوە و چواری دیكە برینداربوون.
كرێكارەكان تەمەنیان لەنێوان 18 بۆ 33 ساڵاندایە، ئەو كرێكارەش كە گیانیلەدەستداوە تەمەنی 26 ساڵە و خێزاندارە سەرجەمیان خەڵكی ئیدارەی راپەڕینن، پەیامنێرمان وایوت.
ئەوەشی وت، “برینداران گەیەندراونەتە نەخۆشخانەی گشتیی رانیە و باری تەندروستییان جێگیرە”.
