ئەپلیكەیشنی پەیوەندیكردنی وەتسئەپ، گۆڕانكارییەكی تری لە خزمەتگوزارییەكانیدا كرد و تایبەتمەندییەكی نوێی زیادكرد.
بەپێی گۆڕانكارییە نوێیەكە، بەكارهێنەری وەتسئەپ دەتوانێت راستەوخۆ نامە بۆ ژمارەیەك بنێرێت بەبێ ئەوەی ناچاربێت لای خۆی تۆماریبكات.
پێشتر بۆ ناردنی نامە بۆ هەر ژمارەیەك لە رێگەی وەتسئەپەوە، دەبوو سەرەتا ژمارەكە لە ئامێری مۆبایلەكەتدا تۆماربكەیت و دواتر نامە بنێریت، بەڵام بەپێی گۆڕانكارییەكەی وەتسئەپ چیتر پێویست بەو هەنگاوە ناكات.
تەكنیكە نوێیەكە ناوی “Click to Chat”ـە و بە دانانی پەنجە لەسەر ئەو بژاردەیە، راستەوخۆ دەتوانیت نامە بۆ هەر ژمارەیەك بنێرێت كە بتەوێت، بەو مەرجەی ژمارەكە و ئامێری مۆبایل یاخود كۆمپیوتەر یان تابلێتەكە ئەپلیكەیشنی وەتسئەپیان لەسەر جێگیركرابێت.
