مۆندیالی قەتەر هۆکارێک بووە بۆ دەرکەوتن و بەناوبانگبوونی هەندێک لە یاریزانە لاوەکان، یەکێک لەوانە جولیان ئەلڤارێزی هێرشبەری ئەرجەنتینە.
ڕۆژنامەی “موندۆ دیپۆرتیڤۆ” چاوپێکەوتنێکی سەردەمی منداڵیی جولیان ئەلڤارێزی بڵاوکردووەتەوە، تیایدا بە ئاشکرا سەرسامبوونی خۆی بە لیۆ مێسی هاونیشتمانی و یانەی بەرشلۆنە دەردەبڕێت، هیواش دەخوازێت ڕۆژێک لە ڕۆژان هاوشانی “پوڵگا” لە مۆندیالدا بەشداری بکات.
🇦🇷 Julián Álvarez
🏆 ¿Un sueño? Jugar un Mundial
🐐 ¿Un ídolo? Messi
👕 ¿Hincha de…? River y Barça
pic.twitter.com/z5TrF5LMPW— Angelo Gómez (@angelogomezo) December 1, 2022
ئەلڤارێز لە مۆندیالی قەتەر یەکێک لە هیواکانی هاتووەتەدی، لەگەڵ مێسی یاریدەکات و نەک بەشداریکردن، بەڵکو دوو گۆڵیشی تۆمارکردووە، ئەوەی ماوەتەوە خەونی یاریکردنیەتی لە یانەی بەرشلۆنە.
زۆرێک لە هەوادارانی بارسا لە تۆڕە کۆمەڵایەتییەکان بە گرنگییەوە لە ئەلڤارێز دەڕوانن، داوایان لە ئیدارەی خوان لاپۆرتا کردووە گرێبەست پێشکەشی بەهرەدارەکەی مانچستەر سیتی بکات.
