ستافی کارگێڕیی یوڤانتۆس دەستلەکارکێشانەوەی پێشکەشکرد
یانه‌ی یۆڤانتۆس لە ڕاگه‌یاندراوێکی فه‌رمیدا پشتڕاستیکردەوە، کە دەستەی بەڕێوەبەری یانەکە دەستلەکارکێشانەوەی خۆیان پێشکەش کردووە، لەنێو ده‌سته‌که‌شدا ئەندریا ئانێلی سەرۆکی یانەکە و پاڤێل نێدڤید جێگری سه‌رۆکی یانه بوونیان هه‌یه.
له ڕاگه‌یاندراوه‌که‌ی “یوڤێ”دا هاتووه، “ماوریزیۆ ئاریڤابینیی بەڕێوەبەری جێبەجێکار لە پۆستەکەیدا دەمێنێتەوە، تاوه‌کو کاتی ڕاگەیاندنی دەستەیه‌کی به‌ڕێوه‌به‌ری نوێ.”
ئانێلی لە ساڵی ٢٠١٠وه پۆستی سەرۆکایەتی یانە ئیتاڵییە زه‌به‌لاحه‌که‌ی گرتووه‌ته ئەستۆ و وه‌ک ئایکۆنێکی مێژوویی یانه‌که ناوده‌برا.
