لە چێوەی یارییەکانی قۆناغی کۆمەڵەکانی مۆندیالی قەتەر 2022، هەڵبژاردەی ئینگلتەرا بردنەوەی بەرامبەر هەڵبژاردەی ئێران تۆمارکرد.
ئەمڕۆ دووشەممە، لە (استاد خلیفە الدولی) و لەچێوەی یارییەکانی قۆناغی کۆمەڵەکانی مۆندیال، هەڵبژاردەی ئینگلتەرا بە ئەنجامی شەش گۆڵ بەرامبەر بە دوو گۆڵ بردنەوەی بەرامبەر ئێران تۆمار کرد.
گۆڵەکانی ئینگلتەرا لە خولەکەکانی 35، 44، 45، 62، 71، 90 لەلایەن جوود بێلینگهام، بوکایۆ ساکا (دوو گۆڵ)، ڕەحیم ستێرلینگ، مارکۆس ڕاشفۆرد، جاک گریلیشەوە تۆمارکران، گۆڵەکانی ئێران لە خولەکەکانی 65، 90 لەلایەن مەهدی تاریمی-یەوە تۆمارکران.
بەپێی ئەنجامە تۆمارکراوەکە، ئەستێرەکانی گاریس ساوسگەیت چوونە پلەی یەکەمی کۆمەڵەی دووەم، لە هەمان کۆمەڵەدا هەڵبژاردەکانی ئەمریکا و وێڵز ئەمشەو کاتژمێر (10:00) بەکاتی هەرێمی کوردستان ڕووبەڕوودەبنەوە.
