بەهۆی زۆری بارانەوە، رێگای سەرەكی نێوان گەرمیان و سلێمانی داخرا و هاتوچۆی دەربەندیخان داوا لە شۆفێران دەكات، رێگاكانی دیكە بەكاربهێنن.
بەڕێوەبەرێتی هاتوچۆی دەربەندیخان رایگەیاند، بەهۆی باران بارینەوە لەئێستادا رێگای سەر شاخی بەرانان گیراوە و رێگا بۆ هاتوچۆی هیچ ئۆتۆمبێلێک نەماوە.
بەڕێوەبەرێتییەكە داوا لە شۆفێران دەكات رێگای ناوتاق یان رێگاکانی قەرەداغ بەکاربهێنن تا چارەسەری گرفتەکە دەکەن.
روونیشیدەكاتەوە، تیمەكانیان لە هەوڵی چارەسەركردنی گرفتەكەدان.
لە نیوەڕۆی ئەمڕۆوە شەپۆلێكی بارانبارین بەشێك لە شار و ناوچەكانی هەرێمی كوردستانی گرتووەتەوە.
