یەكێتیی نیشتمانیی كوردستان لە دانوستانەكانی پێكهێنانی كابینەی نوێدا گۆڕانكاریی لە داواكارییەكانی دەكات و وردەكارییەكەی دەخرێتەڕوو.
سەمیر هەورامی، وتەبێژی قوباد تاڵەبانی لە لێدوانێكدا بە تۆڕی میدیایی ئێستای راگەیاند، لە گەڕی داهاتووی دانوستانەكان لەگەڵ پارتی، یەكێتی گۆڕانكاری دەكات لە جۆری پۆستە دڵخوازەكانی لە حكومەتی داهاتووی هەرێم.
وتیشی، “بەمەبەستی گەیشتن بە دەرچەیەك بۆ ئەم قۆناغەی دانوستانەكان، یەكێتی گۆڕانكاری دەكات لە جۆری پۆستە دڵخوازەكانی لە حكومەتی داهاتووی هەرێم كە گۆڕانكارییەكان لە پۆستە باڵاكان و سیادییەكان دەبێت، بە ئامانجی زووتر پێكهێنانی كابینەی داهاتووی حكومەتی هەرێم و چالاككردنەوەی دەسەڵاتی یاسادانان”.
