سکالۆنی ڕاهێنەری ئەرجەنتین جەخت لەوە دەکاتەوە کە بردنەوەى یەکەم یاریی بەرامبەر سعودییە زۆر گرنگە.
ئاماژە بەوەش دەدات کە ئەو هیچ یاریزانێک بانگهێشت ناکات ئەگەر پێکانی هەبێت و بۆ یەکەم یاریی نەتوانێت بەشداری بکات.
تا ئێستا ئەگەری بەشداریکردنی دیبالا و لۆسێلسۆ لە مۆندیالی 2022ی قەتەر زۆر کەمە
بەشێک لە قسەکانی سکالۆنی
– یارییەکەى سعودییە گرنگترینە بۆ ئێمە، تەرکیزمان لەسەر ئەو یارییەیە، پێویستە هەموو یاریزانەکان بۆ ئەو یارییە ئامادەبن، بردنەوە زۆر شتمان پێ دەبەخشێت.
– لە یارییەکەى یەکەمدا زۆر سەرنجمان لەسەر سعودییە نابێت، زیاتر گرنگی بە لایەنی دەروونی دەدەین.
– گرنگترین شت ئەوەیە چێژ وەربگرین لە یاریکردن بە درێسی ئەرجەنتینەوە.
– دەمانەوێت هەر یاریزانێک بانگهێشت کرا ، لەیەکەم یاریی بۆ ئەرجەنتین ئامادە بێت تا دواین یاریی.
