ئیلۆن مەسک دەوڵەمەندترین پیاوی جیهان و خاوەنی پشکێکی گەورەی تویتەر وەڵامی ئەو ڕەخنانە دەداتەوە کە دوای کرێنی تویتەر و بڕیاری وەرگرتنی پارە لە بەشداربووەکانی ئاراستەی کراوە، بەراوردی پارەکەی دەکات بە پارەی خواردنەوەی قاوەیەکی ستاربەکس.
لە تویتێکدا ئیلۆن مەسک باس لەو هەشت دۆلارە دەکات کە بڕیاریدا لە هەر بەشداربوویەکی تیتەری وەربگرێت کە خاوەنی ڤێریفایە “سەحی شین” بێت، مەسک وەڵامی ڕەخنەکان دەداتەوە و بە وێنەیەکی پێکەنیناوی بەراوردی دەکات بە کڕینی قاوەیەکی ستاربەکس.
لە وێنەکەدا مەسک ئاماژە بۆ ئەوە دەکات، خەڵک قاوەیەکی ستاربەکس دەکڕن بە هەشت دۆلار و لە ماوەی 30 خولەکدا دەیخۆنەوە و تەواودەبێت دڵیشیان خۆشە بەوە، بەڵام ئەگەر هەشت دۆلار بدەن بۆ ڤێریفای-ی تویتەر لە ماوەی یەک مانگدا پێیان ناخۆشە و بە زۆری دەزانن.
وێنەکەی مەسک پیاوێکە لە کاتی کڕینی خواردنەوەیەکی ستاربەکسدا بە هەشت دۆلار پێدەکەنێت، وێنەکەی دیکەیان پیاوێکە بەهۆی ئەوەی هەشت دۆلار دەدات بۆ ڤێریفای-ی تویتەرەکەی دەگری.
ئەمەش دوای ئەوە دێت کە ئیلۆن مەسک دوای کڕینی پشکێکی گەورەی تۆڕی کۆمەڵایەتیی تویتەر، بڕیاریدا هەر بەشداربوویەک خاوەنی ڤێریفای بێت دەبێت مانگانە بڕی هەشت دۆلار بدات بە کۆمپانیاکە.
