لەتیف رەشید سەرۆك كۆماری عێراق گەیشتە شەرەم شێخی میسر.
بۆ بەشداریكردن لە كۆنگرەی لوتكەی ئاووهەوای جیهان، لەتیف رەشید سەرۆك كۆماری عێراق ئێوارەی ئەمڕۆ یەكشەممە بەرەو شاری شەرەم شێخی میسر بەڕێكەوت.
نووسینگەی میدیایی سەرۆك كۆماری عێراق دەڵێت، سەرۆك كۆمار بە سەرۆكایەتیی شاندێكی فەرمی سەردانی میسر دەكات و وتارێك لە كۆنگرەی لوتكەی ئاووهەوای جیهان پێشكەشدەكات.
بڕیارە لە كۆنگرەی لوتكەی ئاووهەوای جیهاندا كە لە شەرەم شێخ بەڕێوەدەچێت، ئاڵنگارییەكانی ئاووهەوا و گۆڕانكارییەكانی ژینگەی عێراق و وڵاتان تاوتوێبكرێن، لەوانە وشكەساڵی و بەبیابانبوون و وشكبوونەوەی سەرچاوەكانی ئاو و قەتیسبوونی گەرما و پیسبوونی ژینگە.
