سەرۆكی كۆمەڵەی پەنابەرە گەڕاوەكان ڕایدەگەیەنێت، هیچ بڕیارێك بۆ بە زۆر ناردنەوەی پەنابەران نەدراوە و ئاشكرایدەكات، دوێنێ لە پەرلەمانی بەریتانیا داواكراوە ڕێگری لە كۆچبەران بۆ وڵاتەكەیان بكرێت، بەڵام بەشێكی زۆری پەرلەمانتاران لەگەڵ ئەو پێشنیازە نەبوون.
بەكر عەلی سەرۆكی كۆمەڵەی پەنابەرە گەڕاوەكان لە لێدوانێكدا بە تۆڕی میدیایی ئێستای ڕاگەیاند، هیچ بڕیار و ڕاسپاردەیەكی نوێ بۆ بە زۆر ناردنەوەی پەنابەران لە وڵاتانی ئەوروپاوە دەرنەكراوە و دوێنێ چوارشەممە، لە كۆبوونەوەی پەرلەمانی بەریتانیدا داواكراوە ڕێگری بكرێت لە هاتنی كۆچبەران و مانەوەی پەنابەران، بەڵام لەلایەن پەرلەمانتارێكی ئەو وڵاتەوە پێشنیازەكە ڕەتكراوەتەوە و ئاماژە بۆ ئەوەش كراوە لە چەند ناوچەیەك وەك پێویست خزمەتی پەنابەران نەكراوە.
ڕاشیگەیاند، بەپێی سیاسیەتی كابینەی پێشووی حكومەتی بەریتانیا ئەو كەسانەی بە شێوەی نایاسایی ڕوویان لە وڵاتەیان كردبوو بنرێنە ڕواندا و بۆ ئەوەش بەشێكی پەرلەمانتارانی بەریتانیا لەگەڵیدا نین و پێیان وایە لەلایەنەكانی ڕایگشتی و مافەكانی مرۆڤ لەسەر وڵاتەكەیان دەكەوێت و ئەوەی باسیش دەكرێت كە گوایە بە زۆر پەنابەرانەوە دەنێردرێنەوە تەنها دەنگۆیە و نەبووەتە بڕیار.
