کاتێک دەگەڕێیتەوە بۆ ماڵەوە دوای ڕۆژێکی پڕ لە کار، هەست بە ماندوێتیی پێست و ڕووخسارت دەکەیت، یەکەم کار کە پێویستە دوای گەڕانەوەت بۆ ماڵەوە بیکەیت پاککردنەوەی ماکیاژەکەتە.
ئەگەر ماکیاژ پاکنەکرێتەوە و گرنگیی پێنەدرێت خاڵەکانی سەر پێست، هێڵە تاریکەکان دەردەکەون کونیلەکانی پێست گەورەدەبن و پێست پیرتر دەردەکەوێت، بۆئەوەی پێستێکی تەندروست و درەوشاوەت هەبێت گرنگی بدە بە پاککردنەوەی بەشێوەیەکی تەندروست.
رێگا ڕاستەکانی پاککردنەوەی ماکیاژ:
یەکەم: قژت ببەستە، بەرلەوەی دەستبەکەیت بە پاککردنەوەی ماکیاژەکەت.
دووەم: پاکژکەرەوەی ماکیاژی چاو بەکاربهێنە، بۆ پاککردنەوەی ماکیاژی چاوەکان پاکژکەرەوە سادەکان بەکاربهێنە چونکە چاو هەستیارە.
سێیەم: هەڵم بۆ دەموچاوت بکە، کرداری هەڵمکردن بۆ ڕووخسار دەکڕیت بە زۆر رێگەی ئاسان بکرێت ئەمە یارمەتیی ئاسان پاکژکردنەوەی ماکیاژەکەت دەدات.
چوارەم: ماکیاژی لێوەکانت پاکبکەرەوە، ڤازلین بۆ ماوەی پێنج خولەک بدە لە لێوت و وازیلێبێنە، دواتر بیسڕەوە لێوت دەچێتەوە سەر ڕەنگە بنەڕەتییە سروشتییەکەی.
پێنجەم: پاکژکەرەوەی پێستت بەکاربهێنە، هەموو ڕووخسارت بە پاکژکەرەوە پاکبکەرەوە.
شەشەم: بە جێڵی شتنی ڕووخسار بەکاربهێنە و ڕووخسارت بەجوانی بشۆ و وازیلێبێنە خۆی وشکببێتەوە.
حەوتەم: شێدارکەرەوەی پێست بەکاربهێنە، دڵنیابەرەوە لە هەڵبژاردنی شێدارکەرەوەیەکی گونجاو لەگەڵ جۆری پێستتدا.
