وەزارەتی خوێندنی باڵا و توێژینەوەی زانستیی هەرێم پشت بەستن بە ڕێنماییەكان 11 پۆست لە زانكۆی زاخۆ بۆ یەكەمجار ڕادەگەیەنێت، و هەر كەسێك ئارەزووی هەیە و مەرجەكانی تێدایە دەتوانێت لە ماوەی دیاریكراودا پێداویستییەكانی پێشكەشبكات.
بەپێی ڕاگەیەندراوێكی وەزارەتی خوێندنی باڵا و توێژینەوەی زانستیی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، “ئەو كەسەی داواكاریی پێشكەشدەكات، باشترە دیدو بۆچوون و بەرنامەی كاری خۆی پێشكەشبكات بۆ بەرەو پێشبردنی زانكۆ بۆ ئەو چوار ساڵەی كە پۆستەكە وەردەگرێت.
لە ڕاگەیەندراوەكەدا هاتووە، زانینی زمانی ئینگلیزی و شارەزایی لە بەكارهێنانی تەكنەلۆژیای بواری خوێندن و فێركردن و كارایی بڵاوكردنەوەی توێژینەوەی زانستی، هەلی زیاتر بۆ پێشكەشكار دەڕەخسێنێت.
پۆستەكان:-
1. یاریدەدەری سەرۆكی زانكۆ بۆ كاروباری كارگێڕی ودارایی
2. یاریدەدەری سەرۆكی زانكۆ بۆ كاروباری زانستی سێ و هاریكاری سەرۆكی زانكۆ بۆ كاروباری خوێندكاران
4. ڕاگری فەڵكەتیی زانست
5. ڕاگری كۆلیژی كارگێڕی و ئابوری
6. ڕاگری فەكەڵتیی زانستی مرۆڤایەتی
7. ڕاگری كولێژی ئەندازیاری
8. ڕاگری كولێژی پزیشكی
9. ڕاگرێ كولێژی پەروەردەی بنەڕەت
10. ڕاگریی فەكەڵەتیی پەروەردە
11. بەڕێوەبەری گشتیی سەنتەری توێژینەوەی زانستی
مەرجەكان:-
– هەڵگری بڕوانامەی دكتۆرا بێت.
– نازناوی زانستی لە پڕۆفیسۆری یاریدەدەر كەمتر نەبێت.
– خزمەتی زانكۆیی لە (١٠) ساڵ كەمتر نەبێت.
تێبینییەكان:-
– ئەو بەڕێزەی داواكاریی پێشكەشدەكات، باشترە دیدو بۆچوون و بەرنامەی كاری خۆی پێشكەشبكات بۆ بەرەو پێشبردنی زانكۆ بۆ ئەو چوار ساڵەی كە پۆستەكە وەردەگرێت.
– زانینی زمانی ئینگلیزی و شارەزایی لە بەكارهێنانی تەكنەلۆژیای بواری خوێندن و فێركردن و كارایی بڵاوكردنەوەی توێژینەوەی زانستی، هەلی زیاتر بۆ پێشكەشكار دەڕەخسێنیت.
– دوا وادە بۆ پێشكەشكردن (سی ڤی یەكەی)، (پوختەی ڕاژەكەی) ، ( یەكەم فەرمانی زانكۆیی بەدەستهێنانی نازناوی زانستی(و) لیستی ناو و ناونیشانی توێژینەوە زانستییە بڵاوكراوەكان(، كۆتایی دەوامی ڕۆژی شەمە (2022/11/5)ە لەم بەستەرە (https://forms.gle/zew3tyQxchYsCrYh8) دەبێت.
– پێویستە پوختەی ڕاژەی لەلایەن سەرۆكایەتیی زانكۆ پەسندكرابێت.
