کیڤن مونۆز، وتەبێژی کۆشکی سپی ڕایگەیاند کە ڕۆژی سێشەممە جۆ بایدن ڤاکسینێکی نوێکراوەی ڤایرۆسی کۆرۆنا وەردەگرێت، هەروەها داوا لە ئەمریکییەکان دەکات کە نوێترین ژەمی ڤایرۆسی کۆرۆنا وەربگرن.
لە هەفتەی ڕابردوودا تەنها 20 ملیۆن ئەمریکی ڤاکسینە نوێکراوەکەی کۆرۆنایان وەرگرتووە، دەسەڵاتدارانی ئەو وڵاتە ئەوە بە ژمارەیەکی کەم دادەنێن.
تەندروستیی ئەمریکا داوا دەکات، بەزووترین کات سەرجەم ئەمریکییەکان ئەو ڤاکسینە وەربگرن.
ئەمە لەکاتێکدایە CDC هەفتەی پێشوو ڕایگەیاندبوو کە 4 ملیۆن ئەمریکی ڤاکسینە نوێکراوەکەیان وەرگرتووە و بەپێی سەنتەرەکە، ئەو ژمارەیە دڵخۆشکەرە و بەڕێژەی 40% بەراورد بە هەفتەی پێشووتر زیادیکردووە.
لە مانگی ئەیلولەوە ئەمریکا دەستیکردووە بە پێدانی ژەمەکانی ڤاکسینی نوێکراوەی کۆرۆنا، کە تایبەتە بە کۆرۆنای بنەڕەتی و جۆر و گۆراوەکانی.
