ئەنجومەنی نوێنەران، كارنامەی كۆبوونەوەكەی ئەمڕۆی بڵاوكردەوە و تەنها هەڵبژاردنی سەرۆك كۆمار لەخۆدەگرێت.
بەپێی كارنامەی كۆبوونەوەكەی ئەمڕۆی ئەنجومەنی نوێنەران، بڕیارە كاتژمێر 11ی پێش نیوەڕۆ كۆبوونەوەكە دەستپێبكات.
هاوكاتی بڵاوكردنەوەی كارنامەی كۆبوونەوەكە، میدیای عێراقی ئەمڕۆ بە ڕۆژێكی گرنگ و هەستیار بۆ عێراق ناودەبات بەو پێیەی بە هەڵبژاردنی، سەرۆك كۆمار كاندیدی پۆستی سەرۆك وەزیران ڕادەسپێرێت حكومەت پێكبهێنێت و بەوەش كۆتایی بە ساڵێك ناكۆكی و كێشمەكێشی لایەنەكان لەسەر پێكهێنانی حكومەت دەهێنرێت.
