سێرجیۆ ڕامۆس بەرگریکاری پاریس سانجێرمان بڕوا بە پڕوپاگەندەى ڕۆیشتنی مباپی لە فەرەنسا ناکات.
لە چاوپێکەوتنێکیدا بۆ ئاژانسی ئاڕ ئێم سی سپۆرت، دواى یارییەکەى بەنفیکا، ڕامۆس وتی: ئەوەى ئەتوانم باسی بکەم ئەوەیە کە من هاوڕێی نزیکی مباپیم, هەموو ڕۆژێکیش بە دڵخۆشی دەیبینم، ساڵی ڕابردوو گرێبەستەکەى نوێ کردەوە و ئێستا ئێمە کار دەکەین بۆ ئەوەى باشتر بین و تەرکیز دەکەین لەسەر یاریکردن و ئەنجامەکانمان.
وتیشی: مباپی وەرزی ڕابردوو نەڕۆیشت، ئێمە بڕوا بە پڕوپاگەندەکان ناکەین و ڕۆژنامەکانیش ناخوێنینەوە.
لەم دوو ڕۆژەى ڕابردوودا باس لەوە دەکرا کە مباپی پەشیمانە لەوەى لە پاریس ماوەتەوە و دەیەوێت پەیوەندی بە یانەى ڕیاڵ مەدریدەوە بکات.
ئاماژە بەوەشدرا کە مباپی هەست بە ناڕەحەتی دەکات لەگەڵ گالیتێی ڕاهێنەردا و لە ڕووی تەکتیکەوە خۆشحاڵ نییە.
