پێشنیوەڕۆی ئەمڕۆ لە گەڕەکی چوارباخی سلێمانی نزیک حەمامی چوارباخ تەرمی چوار کەس لە ماڵێکدا دۆزرانەوە.
پەیامنێری تۆڕی میدیایی ئێستا گواستییەوە، “پێشنیوەڕۆی ئەمڕۆ لە گەڕەکی چوارباخی سلێمانی لە ماڵێکدا تەرمی چوار کەس دۆزرانەوە کە پێکهاتوون لە دایک و باوک و دوو منداڵیان”.
ئاشکراشیکرد، “تیمەکانی پۆلیس و تەندروستی تەرمەکانیان بۆ پزیشکی دادی سلێمانی گواستووەتەوە”.
ئاماژەی بەوەشکرد، “تائێستا هۆکاری مردنی ئەو چوار کەسە ئاشکرانەکراوە”.
