قائیمقامی قەزای پێنجوێن ڕایدەگەیەنێت، ئێوارەی ئەمڕۆ بە درۆن بۆردومانی سنووری ناحیەی ناڵپارێزی سەر بە قەزای پێنجوێن كراوە و گوندنیشینانی سنوورەكە سەلامەتن.
زانا ڕەحمان قائیمقامی قەزای پێنجوێن لە لێدوانێكدا بە تۆڕی میدیایی ئێستای ڕاگەیاند، كاتژمێر 5:45 خولەكی ئێوارەی ئەمڕۆ چوارشەممە، توركیا بە درۆن هێرشی كردووەتە سەر گوندی (بەیانە) لە سنووری ناحیەی ناڵپارێزی سەر بە قەزای پێنجوێن.
ئاشكرایكرد، گوندنیشینانی سنوورەكە سەلامەتن، بەڵام ترس و دڵەڕاوكێی لای هاوڵاتییانی سنوورەكە دروستكردووە.
