كەریم بنزیمەی فەرەنسی لەیەك شەودا سێ خەڵاتی ڕۆژنامەی ماركای ئیسپانی بۆ باشترینەكانی وەرزی ڕابردووی خولی ئیسپانیای داگیركرد.
كەریم بنزیمە خەڵاتی دی ستیڤانۆی بۆ باشترین یاریزانی وەرزی ڕابردووی لای لیگای پێدرا و هەر خۆشی گۆڵكاری پاڵەوانێتییەكە بوو.
بە دەنگی هاندەرانیش بەهەمان شێوە بنزیمە وەك باشترین یاریزانی خولی ئیسپانیا دیاریكرا.
كەریم بنزیمە گەڕاوەتەوە بۆ مەشق و ڕاهێنانەكانی یانەی ڕیاڵ مەدرید بەڵام هێشتا بەتەواوی پێكانەكەی تێنەپەڕاندووە.
ئەگەری یاریكردنی بەرامبەر ئۆساسۆنا لەخولی ئیسپانیا كەمە بەڵام بۆ چامپیۆنز لیگ و كلاسیكۆ ئامادە دەبێت.
