پاڵەوانی پێشووی ئەنجوومەنی بۆکسێنی جیهان بۆ کێشی سەرو قورس، تایسن فیوری ڕەتیکردەوە لە داهاتوودا بەرامبەر ئانتۆنی جۆشوای هاونیشتمانی یاری بکات.
لە ماوەی ڕابردوودا فیوری مۆڵەتی تاوەکو دووشەممەی ڕابردووی (26/9) بە ئانتۆنی جۆشوای پاڵەوانی پێشووی بۆکسێن دا، تاوەکو بڕیار لە ڕووبەڕووبوونەوەی نێوانیان بدات و واژۆی گرێبەستێک بکات بۆ ئەنجامدانی یارییەک لە ڕێکەوتی سێی کانوونی یەکەمی 2022.
𝐅𝐮𝐫𝐲-𝐉𝐨𝐬𝐡𝐮𝐚 𝐢𝐬 𝐨𝐟𝐟 ❌
Tyson Fury says proposed fight with Anthony Joshua in December is off 🚨
🎥 @Tyson_Fury pic.twitter.com/cYKzQHOmMm
— Sky Sports Boxing (@SkySportsBoxing) September 26, 2022
دوای کۆتاییهاتنی وادەی دیاریکراو، جۆشوا واژۆی لەسەر گرێبەستەکە نەکرد، لەو بارەیەشەوە فیوری تۆمارێکی ڤیدیۆیی بڵاوکردەوە، تیایدا هاونیشتمانەکەی بە ترسنۆک وەسف دەکات و دەڵێت، “بە فەرمی وادەی دیاریکراو کۆتاییهات، نە واژۆ نە ڕەزامەندی ئانتۆنی جۆشوا لەسەر گرێبەستەکە نەکرا، یاریی نێوانمان کۆتاییهات، ئەو چانسەی پێتدرا لەدەستتدا.”
جۆشوا پاڵەوانی پێشوی بواری بۆکسێن بوو، لە دوایین ڕووبەڕووبوونەوەدا بە ئۆلیکساندەر یوسیکی ئۆکرانی دۆڕا.
