لە نوێترین چاوپێکەوتندا لەگەڵ پۆدکاستی (UNAM Pumas)، دانی ئالڤێسی بەڕازیلی و ئەستێرەی پێشووی بەرشلۆنە بە وەڵامەکانی هەمووانی سەرسامکرد.
ئەستێرەکەی سێلیساو بەپێچەوانەی بۆچوونەکانی ڕابردوویەوە، ڕێزێکی بێپایانی بۆ ئەستێرە و ئەفسانەی پۆرتوگال نیشاندا و بەم جۆرە وەڵامیدایەوە:
کریستیانۆی خۆشدەوێت
“کریستیانۆم خۆشدەوێت، ئێستا کە چیتر یاریزانی ڕیاڵ مەدرید و بەرشلۆنە نین، دەتوانم قسە بکەم، لەبەرئەوەی هەمیشە وا دیاربوو کە ناتوانم لەبارەیەوە بدوێم.”
ئاژاوەی نێوان ڕیاڵ و بارسا وایکرد کریستیانۆ پیرۆزباییم لێنەکات
نموونەی باڵایە بۆ هەمووان
“کریستیانۆ نموونەی باڵای هەمووانە، هەموو ئەوانەی کە هەرگیز کوالێتی ئەومان نەبوو، بەڵکو بە هەوڵ و کۆششی بەردەوام دەتوانیت ڕکابەری باشترینەکان بکەیت، زۆر ڕێزی دەگرم و دەرفەتی ئەوەشم هەبووە ئەو ڕاستییەی پێبڵێم.”
ئاژاوەی نێوان ڕیاڵ و بارسا ڕێگر بوو
“ساتێک هەبوو بەهۆی کێبڕکێی نێوانمانەوە پیرۆزبایی لێنەکردم، لە کاتی پێشکەشکردنی خەڵاتەکانی باڵۆن دۆر من پیرۆزباییم لە هەمووان کرد بە کریستیانۆشەوە، بەڵام ئەو ئاژاوەیەی لەنێوان ڕیاڵ و بارسا دروستببو، وایکرد ئەو پیرۆزباییم لێنەکات.”
لە کریستیانۆوە نزیکترم، بەڵام مێسی بە بەهرەوە لەدایکبووە
کارکردن
“چۆن ڕێزی پیاوێک ناگرم کە بە هەوڵ و کارکردنی بەردەوام هەموو شتێکی بەدەستهێناوە؟ من پێی دەزانم و لەگەڵیدا دەوەستم، لەبەرئەوەی هەموو ئەوەی لە ژیانمدا کردوومە لەسەر کارکردن بەند بووە.”
مێسی یان کریستیانۆ؟
“ئەگەر بەراوردێک لەنێوان کریستیانۆ و مێسی بکەم، بەهۆی بابەتی کارکردن و کۆششی بەردەوامەوە لە کریستیانۆوە نزیکم، چونکە مێسی بەهرەیە، بە بەهرەی تۆپی پێوە لەدایکبووە و ئەوەی پێیگەیشتووە جیهانێکی دیکەیە تەنها بۆخۆی.”
