ئۆتۆمبێلێکی بارهەڵگر لە کەرکوک سێ منداڵی كرد بەژێرەوە و بەهۆیەوە یەکێکیان گیانیلەدەستدا.
پەیامنێری تۆڕی میدیایی ئێستا لە کەرکوک گواستییەوە، ڕووداوەکە نیوەڕۆی ئەمڕۆ لەسەر ڕێگای کەرکوک – ناحیەی شوان بووە، لە کاتێکدا منداڵەکان ویستوویانە لەنێوان هەردوو گوندی حەسار و سەقزلی بپەڕنەوە بارهەڵگرەکە كردوونی بەژێرەوە.
هەرسێ منداڵەکە و شۆفێرەکەش خەڵکی گوندی حەسارن.
شۆفێری بارهەڵگرەکە دەستبەجێ منداڵەکانی بۆ نەخۆشخانە گواستووەتەوە و خۆی ڕادەستی پۆلیس کردووە.
