ئەندامێکی ئەنجومەنی نوێنەرانی عێراق رایگەیاند، بۆ ئەوەی دانوستانەکانی نێوان هەرێم و بەغداد ئەنجامیان هەبێت، پێویستە دەسەڵاتیان پێبدرێت.
د. بڕیار رەشید ئەندامی ئەنجومەنی نوێنەرانی عێراق رایگەیاند، بە کۆبوونەوەی وەفدەکان بوایە دەبوو شەش ساڵ لەمەوبەر کێشەی مووچە چارەسەربکرێت، بەڵام وەفدەکان راستە کەسانی زیرەک و شایستەیان تێدایە، بەڵام دەبێت متمانەیان پێبکرێت و دەسەڵاتیان پێبدرێت و توانای بڕیاردانیان هەبێت لەپێناو خەڵكی کوردستان.
وتیشی، ئەگەر نیەتی چارەسەری کێشەکە لەپێناو هاوڵاتیان هەبێت، کێشەکە چارەسەردەبێت، ئەگەر نا گومان دەکەم وەک ساڵانی رابردوو چەند مووچەیەک بفەوتێت.
