سەرۆكی دەستەی وەبەرهێنان و سەرۆكی فەرمانگەی میدیا و زانیاری لە كۆبوونەوەیەكدا تاوتوێی دامەزراندنی براندێكی كوردستانی بۆ ڕاكێشانی وەبەرهێنەری بیانی بۆ هەرێمی كوردستان دەكەن.
بەپێی ڕاگەیەندراوێكی دەستەی وەبەرهێنانی هەرێمی كوردستان كە وێنەیەكی دەست تۆڕی میدیایی ئێستا كەوتووە و تێیدا هاتووە، محەمەد شوكری سەرۆكی دەستەی دەستەی وەبەرهێنانی هەرێم لەگەڵ جوتیار عادل سەرۆكی فەرمانگەی میدیا و زانیاری گفتوگۆیان لەبارەی دامەزراندنی براندێكی كوردستانی بۆ ڕاكێشانی وەبەرهێنەری بیانی بۆ هەرێمی كوردستان كرد بە مەبەستی ئاشناكردنیان بە جۆر و دەرفەتەكان لە سێكتەرە جیاوازەكانی وەبەرهێناندا.
لە ڕاگەیەندراوەكەدا هاتووە، زۆربــەی ھـەرە زۆری وڵاتــە پـێشكــەوتووەكـان لە بواری وەبەرھێنان لە جیهاندا خاوەن براندێكی تایبەت بە خۆیانن كە لەو ڕێگەیەوە وێرای ناساندنی وڵاتەكەیان كارئاسانی و خزمەتگوزاری پێشكەش بە وەبەرهێنەری بیانی دەكەن كە سەرمایەكانیان بخەنە گەڕ لە بواری وەبەرهێناندا.
