ئاسایشی ڕۆژئاوای سلێمانی ڕایگەیاند، کەسێكیان دەستگیركردووە دراوی ساختەی پێبووە و ویستوویەتی ساغیبکاتەوە.
بەڕێوەبەرایەتیی ئاسایشی ڕۆژئاوای سلێمانی لە ڕاگەیەندراوێکدا دەڵێت، “هێزەکانمان لە سنووری ناحیەی تەکیەی کاکەمەند دوو کەسیان بەناوەکانی (م، س، ٳ) و (م، إ، م) دانیشتووی کەرکوک دەستگیرکردووە، دراوی ساختەیان پێبوە لەجۆری (100) دۆلاریی ئەمریکی كە بڕەکەی 2000 دۆلار بووە”.
باسی لەوەشكردووە، کەسێکی دیکەشیان بەناوی (ش، ح، م) دەستگیرکرد لە بنەچەدا خەڵکی پارێزگای ئەنبارە و ئێستا دانیشتووی ناحیەی بازیانە، دراوی ساختەی پێبووە لەجۆری پەنجا هەزار دیناریی عێراقی و ویستوویەتی لە بازاڕدا ساغیبكاتەوە.
تۆمەتبارەکان سەرجەمیان لەلایەن دادوەری دادگەی لێکۆڵینەوە بەپێی ماددەی (281) لە یاسای سزادانی عێراقی ڕاگیراون و لێکۆڵینەوە لەگەڵیاندا بەردەوامە.
