كارلۆ ئەنچیلۆتی ڕاهێنەری ڕیاڵ مەدرید لە ئاستی یاریزانەكانی ڕازییە و پێیوایە شایستەی بردنەوە بوون.
دوای بردنەوەیان لە ئیسپانیۆل، ئەنیچلۆتی باسی لەوە كرد كە ئەوان بە ڕیتمێكی خێرا یاریی دەكەن.
وتیشی: كاتێك تایمی دووەم ڕیتمی یارییەكە خاو بووەوە، چەند گۆڕانكارییەكم كرد یارییەكە خێرا بووەوە.
بەشێك لە قسەكانی ئەنچیلۆتی
– تیپێكی زۆر باشم هەیە و دینامیكییەكی خێرا بەكار دەهێنین
– من ڕازیم لە ئاستی یاریزانەكان
– سەرەتای تایمی دووەم خاو بوینەوە بۆیە گۆڕانكاریم كرد و ڕیتمەكەم خێراكردەوە
– من تەنها ڕاهێنەری هازارد و بنزیمە و مێندی نیم ڕاهێنەری ڕیاڵ مەدریدم چی باشبێ بۆ تیپەكە ئەوە دەكەم لە داهاتودا چانس بەر هازارد دەكەوێت
– سەرەتا بە بەهێزی دەستمانپێكرد دواتر ڕیتمەكە خاو بووەوە پاشان گۆڕانكاریەكان یارییەكی گۆری
– كاتێك خاو دەبینەوە كامافێنگا بە وزە زۆرەكەی هاوكاریمان دەكات
– سەرسام نیم بەپاس و خێرایی چوامینی ئەو یاریزانێكی باش و بەتوانایە
