ژنە گۆرانیبێژی ئیماراتی ئەحلام شامسی ئەلبوومێكی گۆرانی بە شێوەزاری عێراقی بڵاودەكاتەوە.
لە گرتەیەكی ڤیدیۆییدا ژنە گۆرانیبێژەكە دەڵێت، ئەلبوومێكی گۆرانی بە شێوەزاری عێراقی بڵاودەكاتەوە و سەرگەرمی ئامادەكارییە بۆ ڕاگەیاندنی.
ئەحلام ڕایگەیاند، هەموو كارەكانی ئەلبوومەكە تەواوبوون و لە مانگی ئەیلولی داهاتوودا بڵاویدەكاتەوە و وتی، “ئەلبوومەكە تەواو تەواو ئامادەیە”.
ژنە گۆرانیبێژە ئیماراتییەكە خۆشەویستیی خۆی بۆ عێراق و عێراقییەكان نیشاندا و وڵاتەكەی بە “تاجی سەرم” ناوبرد و ئاماژەی بۆ ئەوە كرد كە ئەلبوومەكەی دیارییەكەی تایبەتە بۆ عێراقییەكان.
