بڕیارە ئەمڕۆ بافڵ جەلال تاڵەبانی سەرۆکی یەکێتیی نیشتمانیی کوردستان و هادی عامری سەرۆکی هاوپەیمانیی فەتح کۆببنەوە.
هادی عامری ئەمڕۆ سەردانی سلێمانی دەکات و لە دەباشان لەگەڵ بافڵ جەلال تاڵەبانی سەرۆکی یەکێتیی نیشتمانیی کوردستان کۆدەبنەوە، بۆ تاوتوێکردنی پێشهات و گۆڕانکارییە سیاسییەکان.
کەمێک پێش ئێستا هادی عامری سەرۆکی هاوپەیمانیی فەتح گەیشتە هەولێر و بڕیارە دواتر سەردانی سلێمانی بکات، سەردانەکەی هادی عامری بۆ کۆبوونەوەیە لەگەڵ لایەنەکانی هەرێمی کوردستان و خستنەڕووی دەستپێشخەریی چوونە سەر مێزی گفتوگۆ بۆ پێکهێنانی حکومەتی نوێ و تاوتوێکردنی هەڵبژاردنی پێشوەخت.
