ماوەی پێنج ڕۆژە باوک و کچێکی ئاوارە لە زاخۆ بێسەروشوێنن، ئێوارەی دوێنێ تەرمی باوکەکە دۆزراوەتەوە و کچەکەی هێشتا چارەنووسی نادیارە.
موشیر محەمەد قائیمقامی زاخۆ لە لێدوانێکی ڕۆژنامەوانیدا ئاشکرایکردووە، ئەو باوک و کچە ئاوارەن و لە کامپی چەمشکۆی سەر بە ئیدارەی سەربەخۆی زاخۆ دەژین، ماوەی پێنج ڕۆژە بێسەروشوێنن.
باوکەکە ناوی فاروق میرزایە تەمەنی 42 ساڵە و کچەکەی ناوی ئاخین فاروقە تەمەنی شەش ساڵە، خەڵکی شەنگالن و لەدوای داگیرکردنی شارەکە لەلایەن داعشەوە هاتوونەتە زاخۆ.
بەپێی وتەی قائیمقامی زاخۆ، ئێوارەی دوێنێ لەلایەن خەڵکی ناوچەکەوە تەرمی باوکەکە دۆزراوەتەوە و چارەنووسی کچەکەی نادیارە.
