یانەی بەرشلۆنە لەسەدا 25ی داهاتی ستۆدیۆی یانەكەی فرۆشتووە و بەو هۆیەشەوە 100 ملیۆن یۆرۆی وەرگرتووە.
بەرشلۆنە ئەو بەشەی قازانجی ستۆدیۆی بە كۆمپانیای Socios فرۆشتووە.
ئەو كۆمپانیایە پیشتر هاوكاری یانەكانی مانچستەر سیتی و میلان و ڕۆما و یۆڤانتۆس و پاریسی كردووە بۆ بەرزكردنەوەی داهاتیی یانەكە.
ئەو كۆمپانیایە پەیوەندی لەگەڵ 27 وڵاتی جیهانیدا هەیە و 200 كارمەندیشی هەیە.
كۆمپانیاكە تایبەتە بە كڕین و فرۆشتنی NFTs و یەكێكە لە كۆمپانیا بەناوبانگەكانی ئەوروپا.
ئێستا بەرشلۆنە 100 ملیۆن یۆرۆی خستۆتە سەر خەزێنەی یانەكە و پێویستە تا 13ی مانگ كێشە داراییەكانی چارەسەر بكات.
