وتەبێژی پۆلیسی گەرمیان بڵاویكردەوە، لە ڕووداوێكی هاتوچۆدا لەسەر ڕێگای كەلار- ڕزگاری ڕووداوێكی هاتوچۆ لەنێوان ماتۆڕسكیلێك و ئۆتۆمبێلێكدا ڕوویدا و بەهۆیەوە شۆفێری ماتۆڕسكیلەكە گیانیلەدەستداوە.
عەلی جەمال قەدووری، وتەبێژی پۆلیسی گەرمیان لە ڕاگەیەندراوێكدا ئاماژەی بەوەكردووە، “بەیانیی ئەمڕۆ دووشەمە لەسەر ڕێگای کەلار- ناحییەی ڕزگاری ڕووداوێکی هاتوچۆ لەنێوان ئۆتۆمبێلێک لەجۆری نیسان و ماتۆڕسکیلێكدا ڕوویدا لەئەنجامدا شۆفێری ماتۆڕسکیلەکە گیانیلەدەستدا”.
باسی لەوەشكردووە، “بەهۆی نەبوونی هیچ جۆرە ناسنامەیەك تەرمەکە ناناسرێتەوە مێردمنداڵەكەش جلی کوردی زەیتوونی لەبەردایە و لە ئێستاشدا لە پزیشکی دادوەری قەزای کەلارە”.
وتەبێژی پۆلیسی گەرمیان داواش دەكات، هەر کەسێك زانیاری لەسەر ئەو مێردمنداڵە هەیە کەسوکاری ئاگادار بکاتەوە سەردانی نەخۆشخانەی کەلار بکەن.
