سەرۆكی ئەنجومەنی نوێنەرانی عێراق لیژنەی ئاسایش و بەرگریی راسپارد بۆ لێكۆڵینەوە لە رووداوەكانی چەند رۆژی رابردوو سەردانی پارێزگای كەركوك بكەن.
بەپێی راگەیەندراوێكی فەرمانگەی راگەیاندنی ئەنجومەنی نوێنەرانی عێراق تێیدا هاتووە، سەرۆكی پەرلەمانی عێراق لیژنەی ئاسایش و بەرگریی پەرلەمانی راسپارد كە سەردانی پارێزگای كەركوك بكەن بە مەبەستی بەدواداچوون و لێكۆڵینەوە لە رووداوەكانی شارەكە.
ئاماژە بۆ ئەوەش كراوە، لیژنەكە راپۆرتێك لەسەر رووداوەكانی چەند رۆژی رابردووی كەركوك ئامادە دەكات و دواتر دەخرێتە بەردەم دەستەی سەرۆكایەتیی ئەنجومەنی نوێنەرانی عێراق.
جێی ئاماژە بۆ كردنە، لە چەند رۆژی رابردوودا بەهۆی ئاڵۆزییەكانی كەركوكەوە، ژمارەیەك هاوڵاتیی كورد شەهید و برینداربوون.
