لە ڕۆژی چوارشەممەوە بڕی هەناردەی گازی سروشتیی ڕوسیا بۆ ئەڵمانیا تا 20%ی ڕێژەی پێشووی كەمدەبێتەوە.
كۆمپانیای گازپڕۆمی ڕوسی ئەمڕۆ ڕایگەیاند، لە چوارشەممەوە هەناردەی ڕۆژانەی گاز بۆ ئەڵمانیا لەڕێی بۆریی نۆرد ستریم-1ەوە دەگەیەنێتە 20%.
كۆمپانیاكە ڕوونیكردەوە لەو ڕۆژەوە هەناردەی ڕۆژانە بۆ ئەڵمانیا دەبێتە 20% یان 33 ملیۆن پێ سێجا، هۆكارەكەشی بۆ چاكسازی لە تۆڕبینێكی دیكە دەگەڕێنێتەوە.
هەفتەی ڕابردوو ڤلادیمێر پوتین سەرۆكی ڕوسیا هەڕەشەی كەمكردنەوەی بڕی هەناردەی غازی وڵاتەكەی لەڕێی نۆرد ستریم-1ەوە كرد، بەبیانووی ئەوەی تۆڕبینی دیكە پێویستی بە چاككردنەوە هەیە.
بەڵام بەرپرسانی ئەڵمانیا پێیانوایە هۆكاری كەمكردنەوەكە تەكنیكی نییە و بەشێكە لە فشارەكانی ڕوسیا بەهۆی شەڕی ئۆكرانیاوە.
