بافڵ جەلال تاڵەبانی سەرۆکی یەکێتیی نیشتمانیی کوردستان، بە بۆنەی یادی دامەزراندنی بزووتنەوەی گۆڕان-ـەوە پەیامێكی ئاراستەی بزووتنەوەكە كرد.
لە پەیامەكەیدا بافڵ جەلال تاڵەبانی دەڵێت، “بەڕێزان جڤاتی نیشتمانی، هەڵسوڕاو و لایەنگرانی بزووتنەوەی گۆڕان، بەبۆنەی ساڵیادی دامەزراندنی بزووتنەوەکەتانەوە گەرمترین پیرۆزباییتان لێدەکەم و هیوای سەرکەوتنتان بۆ دەخوازم”.
سەرۆکی یەکێتیی نیشتمانیی کوردستان لە پەیامەكەیدا بۆ بزووتنەوەی گۆڕان ڕایگەیاندووە، “هیوادارم ئەم یادە دەرفەتێک بێت بۆ پەرەپێدانی زیاتری پەیوەندییەکانمان، قووڵکردنەوەی گیانی تەبایی و یەکهەڵوێستی لە بەرامبەر پرسە نەتەوەیی و نیشتمانییەکان، پێکەوە لە هەوڵەکانمان بەردەوامبین لەپێناو سەرخستنی پرۆسەی چاکسازی، بەرەوپێشبردنی سیستمی حوکمڕانی لە هەرێم و جێبەجێکردنی خواست و داوا ڕەواکانی خەڵکی خۆشەویستی کوردستان”.
