پارێزگاری هەولێر ڕایدەگەیەنێـت، ئەمشەو ئاوی ئیفرازی سێ بۆ گەڕەكانی شاری هەولێر دەگەڕێتەوە و ئاو بە تانكەر بۆ سەرجەم ئەو گەڕەكانە دابیندەكرێن كە كێشەی كەمئاوییان هەبووە.
دوای خۆپیشاندانی هاوڵاتییانی نیشتەجێی چەند گەڕەكێكی هەولێر بەهۆی نەبوونی ئاوی خواردنەوەوە، كەمێك پێش ئێستا ئومێد خۆشناو پارێزگاری هەولێر گەیشتە لای خۆپیشاندەران و بەڵێنی چارەسەركردنی كێشەكانی پێدان.
ئاشكرایكرد، بۆری ئاوی ئیفراز سێ لە هەولێر چاككراوە و لەئەمشەوەوە ئاو دەگاتە گەڕەكانی هەولێر و لەڕێگای تانكەرەوە ئاو بۆ هاوڵاتییان دابیندەكرێن.
وتيشي ، ئەمساڵ هاوینەكەی سەختە و وشكەساڵییە و 138 بیری ئیرتیوازی بڕیاری هەڵكەندنیان دراوە و هەنگاوەكانی هەڵكەندنی ئەو بیرانە دەستپێكراوە.
