ئامارەكانی جیابوونەوەی هاوسەران لە عێراق بە “مەترسیدار” ناودەبرێن، ڕۆژانە 211 حاڵەتی جیابوونەوە تۆماردەكرێن.
ئەنجومەنی باڵای دادوەریی عێراق دەڵێت، “تەڵاق” هەڕەشە لە كۆمەڵگەی عێراقی دەكات و ئامارەكان مەترسیدار و نیگەرانكەرن، ڕۆژانە 211 حاڵەتی “تەڵاق” تۆماردەكرێن و دەكاتە نزیكەی نۆ حاڵەت لە یەك كاتژمێردا.
بەپێی ئاماری مانگانەی هاوسەرگیریكردن و جیابوونەوە لە عێراق كە ئەنجومەنی باڵای دادوەری بڵاویكردووەتەوە، لە مانگی حوزەیرانی ڕابردوودا 32 هەزار هاوسەرگیریكردن لە عێراق تۆماركراون.
ئامارەكە دەڵێت، لە هەمان مانگدا شەش هەزار و 330 حاڵەتی جیابوونەوە ڕوویانداوە و ڕۆژانە دەكاتە 211 حاڵەت، واتە لە هەر ڕۆژێكی ئەو مانگەدا 422 ژن و پیاو لە یەكتر جیابوونەتەوە و بەغداد لە سەرووی لیستەكەدایە.
