ئیدارەی یانەی بەرشلۆنە لە پرۆسەی گواستنەوەی یاریزانان بەردەوامە، لە نوێترین جموجۆڵدا توانیویانە ڕێککەوتنی زارەکی لەگەڵ جول کوندیی بەرگریکاری یانەی ئیشبیلیە بکەن.
بەپێی زانیارییەکانی جێراردۆ ڕۆمێرۆی ڕۆژنامەنووس و شارەزای بواری گواستنەوەکان، خوان لاپۆرتا و هاوکارانی بە سەرکەوتوویی کۆتاییانهێناوە بە گفتوگۆکانیان لەگەڵ لێپرسراوی کارەکانی جول کوندیی بەرگریکاری فەرەنسی یانەی ئیشبیلیە.
یاریزانەکە بە تەواوی مەرج و وردەکارییە یاساییەکانی بەرشلۆنە قایل بووە، چاوەڕوانە لە داهاتوویەکی نزیکدا گرێبەستەکەی واژۆ بکرێت.
لەلایەکی دیکەوە، نوێنەرانی “بلاوگرانا” چاودێرییان خستووەتە سەر سێرجی ڕیگیلۆن، بەرگریکاری پێشووی ڕیاڵ مەدرید و ئێستای یانەی تۆتنهام، بڕیاردراوە لە ئەگەری شکستهێنان لە گواستنەوەی مارکۆس ئەلۆنسۆ، ڕاستەوخۆ یاریزانە ئیسپانییەکە دابین بکەن.
