ئەنجیلیک کیربەر، ئیما ڕادوکانو، لە قۆناغی دووەمی پاڵەوانێتی ئیندیانا ویڵز بردنەوەیان تۆمارکرد، لەبەرامبەردا کارۆلینا پیلیسکۆڤای چیکی و گاربینی موگۆرزای ئیسپانی ماڵئاواییان لە پاڵەوانێتییەکە کرد.
ئەنجیلیک کیربەر لە پلەی 16ی ڕیزبەندیی یاریزانە پیشەگەرەکاندایە و بە ئەنجامی دوو کۆمەڵە بەرامبەر بە کۆمەڵەیەک بردنەوەی بەرامبەر کینوین زینگی چینی تۆمارکرد.
ئیما ڕودکانوی ئەستێرەی لاوی بەریتانیا بە ئەنجامی دوو کۆمەڵە بەرامبەر کۆمەڵەیەک، بردنەوەی بەرامبەر کارۆلین گارسیای فەرەنسی تۆمارکرد.
لەلایەکی دیکەوە، دانکا کۆڤینیچی مۆنتینیگرۆیی توانی بە ئەنجامی دوو کۆمەڵە بەرامبەر بە کۆمەڵەیەک سیمۆنا هالیپ لە پاڵەوانێتییەکە بکاتە دەرەوە.
لە قۆناغی سێیەمدا، کۆڤینیچ بەرامبەر لیۆدمێلا سامسونۆڤای ڕوسی یاریدەکات، کە بڕیارە لەژێر ئاڵایەکی بێلایەندا بەردەوامی بە چالاکییەکانی بدات.
