خامنەیی لەبارەی هێرشی توركیا بۆ سەر ڕۆژئاوای كوردستان هۆشداری دەدات بە ئەردۆغان و دەڵێت، “سەقامگیریی ناوچەكە تێكدەدات”.
عەلی خامنەیی، ڕابەری باڵای شۆڕشی ئیسلامیی ئێران، لەبارەی ئۆپەراسیۆنە سەربازییەكەی توركیا بۆ سەر ڕۆژئاوای كوردستان هۆشداری دا بە ڕەجەب تەیب ئەردۆغان سەرۆك توركیا و وتی، سەقامگیریی ناوچەكە تێكدەدات.
بەپێی ڕاگەیەندراوی فەرمیی خامنەیی كە لە ماڵپەڕەكەی ناوبراودا بڵاوكردووەتەوە، ڕابەری باڵای شۆڕشی ئیسلامیی ئێران بە سەرۆكی توركیای وتووە، “ئۆپەراسیۆنی سەربازی لە سوریا، زیان بە سوریا و توركیا و ناوچەكە دەگەیەنێت”.
لە ماوەی ڕابردوودا، ڕەجەب تەیب ئەردۆغان سەرۆك توركیا، هەڕەشەی بەرپاكردنی ئۆپەراسیۆنێكی سەربازیی دیكەی لە ڕۆژئاوای كوردستان كرد.
