قائیمقامیەتی سلێمانی غاز فرۆشی حاجی ئەنوەری بەهۆی گرانفرۆشی داخست.
لە ڕاگەیەندراوێكدا قائیمقامیەتی سلێمانی ئاماژەی بەوەكردووە، بەهۆی پابەندنەبوون بە مەرج و ڕێنماییەکانی کارکردن و گرانفرۆشی، لیژنە هاوبەشەکانی قائیمقامیەتی سلێمانی دووکانی غاز فرۆشتنی حاجی ئەنوەری لە فولکەی مامە ڕیشە داخست.
باسی لەوەشكردووە، نرخی غازی ماڵان هەشت هەزار و 500 دینارە، بەڵام غازفرۆشی حاجی ئەنوەر غازی بە نرخی 16 هەزار و 500 دینار فرۆشتووە، بۆیە بەفەرمانی قائیمقامی سلێمانی شوێنەکە دادەخرێت و خاوەنەکەشی ڕووبەڕووی ڕێکاری یاسایی دەکرێتەوە.
قائیمقامیەتی سلێمانی جەختی كردووەتەوە، هەر غازفرۆشێکیش لەو نرخەی دیاریکراوە زیاتر لە هاوڵاتییان وەربگرێت ڕێکاری یاسایی لەدژ دەگیرێتەبەر.
