حكومەتی عێراق بڕیاریدا پاڵپشتی مۆلیدە ئەهلییەكان بكات و ڕەزامەندی لەسەر پێدانی سووتەمەنی بە مۆلیدە ئەهلییەكان دەربڕی كە لە وەرزی هاویندا هەر كات كارەبای نیشتمانی بڕدرا كارەبا بۆ هاوڵاتیان دابینبكەن و كرێی كارەباش لەسەر هاوڵاتییان كەمبكەنەوە.
بەپێی ڕاگەیەندراوێكی ئەنجومەنی وەزیرانی عێراق تێیدا هاتووە، ئەمڕۆ كۆبوونەوەی ئەنجومەنی وەزیرانی عێراق تایبەت بە دۆسیەی ئابوری و خزمەتگوزارییەكان بەرێوەچووە و چەند بڕیارێكیش لەبارەی كارەباوە دراون.
لە ڕاگەیەندراوەكەدا هاتووە، لە كۆبوونەوەكەدا ڕەزامەندی درا بە دابینكردنی سووتەمەنی بۆ مۆلیدوە ئەهلییەكان كە بتوانرێت لەكاتی پێویستدا كارەبا بۆ هاوڵاتییان دابینبكەن و كرێی كارەباش لەسەر هاوڵاتییان گراننەكەن.
