دەستەی وەبەرهێنانی هەرێم بڵاویكردووەتەوە، تائێستا زیاتر لە 90 هەزار كەس فۆڕمی تایبەت بە وەرگرتنی یەكەكانی نیشتەجێبوونیان پڕكردووەتەوە كە بڕیارە 20 هەزار یەكەی نیشتەجێبوون بۆ كرێنشینان و كەمدەرامەتان دروستبكرێن.
بەپێی ڕاگەیەندراوێكی دەستەی وەبەرهێنانی هەرێم كە وێنەیەكی دەست تۆڕی میدیایی ئێستا كەوتووە و تێیدا هاتووە، 90 هەزار و 162 كەس فۆڕمی تایبەت بە وەرگرتنی یەكەكانی نیشتەجێبوونیان پڕكردووەتەوە كە 80 هەزار و 487 كەسیان خێزانداربوون و 9 هەزار و 675 یان سەڵتن.
ئاماژە بەوەشكراوە، تێكرا 89%ی ئەو كەسانەی فۆڕمیان پڕكردووەتەوە خێزاندارن و 11%یان سەڵتن.
