بەڕێوەبەرایەتی پۆلیسی هەولێر ڕایگەیاند، خێزانێکی سێ کەسیان دەستگیرکردووە، کە دزیان لە چەندین کەس کردووە و جانتای ژنانەیان دزییوە، لەکاتی دەستگیرکردنیان دانیان بە تاوانەکاندا ناوە.
پۆلیسی هەولێر لەبارەی دەستگیرکردنی ئەو خێزانە سێ کەسییەوە ڕایگەیاندووە، ” ئەو دایک و باوک و کچەی جانتا و مۆبایلی ئافرەتانیان دەدزی، دەستگیر کران”.
پۆلیس ئاشکرایکردووە، ” بەشی پۆلیسی نەهێشتنی تاوان، نووسینگەی ڕۆژهەڵات، ژنێک و کچەکەی و هاوسەرەکەیان بە ناوەکانی (ب.ج.س) و (ز.ن.ع) و (ن.ع) بە تۆمەتی دزینی چەندین جانتای ئافرەتان و مۆبایل و کەرستەی دیکەی ناو جانتاکان، لەناو بازاڕ و شوێنە گشتی و جیاجیاکان دەستگیر کرد”.
هەرسێ تۆمەتبارەکە، دانیان بە تاوانەکاندا ناوە و ، لە ئێستادا بە بڕیاری دادوەری لێکۆڵینەوە و بەپێی ماددە (446) لە یاسای سزادان، ڕاگیراون و دەستیش بەسەر کۆی کەلوپەلە دزراوەکاندا گیراوە.
