كۆمەڵی دادگەریی كوردستان لەسەر كوژرانی دوو مامۆستاكەی زانكۆی سەڵاحەدین بڵاویكردووەتەوە، “لە سایەی سەروەرنەبوونی یاسا و ئاسان دەستڕاگەیشتن بە چەك، هەموو كاتێك مەترسی چەندبارە بوونەوەی ئەو ڕووداوانە هەن”.
محەمەد حەكیم، وتەبێژی كۆمەڵی دادگەریی كوردستان بڵاویكردووەتەوە، لە كۆمەڵگەی ئێمەدا مامۆستایان دەبێت ڕێزلێگیراو پارێزراوبن و بە یاسا پارێزبەندیيان بۆ دەستەبەر بكرێت كە هیچ كەس نەتوانێت دەست بۆ ژیان و سەلامەتی و كەسایەتی ئەم توێژە گرنگەی كۆمەڵگە ببات.
ئاماژە بەوەشكراوە، ئەم دەستدرێژییە خەتەرناكە بۆ سەر گیانی مامۆستایان شەرمەزار دەكەین و داوای گرتنەبەری ڕێوشوێنی بەپەلە و بە سزا گەیاندنی تاوانبار دەكەین.
