لەماوەی 24 كاتژمێری ڕابردوودا 435 توشبووی نوێی كۆرۆنا لە هەرێم تۆماركراوە و 25 توشبووش گیانیان لەدەستداوە، وەك ئەوەی وەزارەتی تەندروستی بڵاویكردووەتەوە.
وەزارەتەكە ئەمڕۆ چوارشەممە 25ی تشرینی دووەم دەڵێت، لەماوەی 24 كاتژمێری ڕابردوودا چوار هەزار و 275 پشكنین ئەنجامدراوە و لەو ژمارەیە 435 توشبووی نوێ تۆماركراوە.
زۆرترین توشبوو لە پارێزگای هەولێر بووە بە 144 حاڵەت شارەكانی دیكەش بەمجۆرەیە، (دهۆك 135، سلێمانی 125، گەرمیان 25، هەڵەبجە 3 و ڕاپەڕین 3).
هەر بەپێی ڕاگەیەنراوەكە 324 توشبوو چاكبوونەتەوە و لەو ماوەیەشدا 25 توشبوو گیانیان لەدەستداوە كە زۆرترینیان لە سلێمانی بووە بە 9 حاڵەت.
كۆی گشتی توشبووانی كۆرۆنا لە هەرێم 94 هەزار و 856 كەسە كە لەو ژمارەیە 58 هەزار و 640 كەسیان چاكبوونەتەوە و 33 هەزار و 155 كەسیشیان لەژێر چارەسەردان و ژمارەی مردوانیش بە نەخۆشییەكە گەیشتووەتە سێ هەزار و 61 كەس.
دەقی ڕاگەیەنراوەكە:
