ڕۆژنامەی نیویۆرک تایمزی ئەمریکی لە ڤیدیۆیەکدا چۆنێتی گرتنی خانەکانی مێشکی لەلایەن ڤایرۆسی کۆرۆناوە بڵاوکردووەتەوە.
ئەو ڤیدیۆیەی نیویۆرک تایمز بڵاویکردووەتەوە، چۆنێتی دەورەدانی هەر خانەیەکی مێشکە لەلایەن ڤایرۆسەکەوە بەشێوەیەکی لەناوبەر.
ئاماژە بەوەکراوە ڤیدیۆکە لەلایەن هەریەکە لە ماری ئیچەر و دیلڤین پلاناسەوە گیراوە، لەمیانةی بەشداریکردنیان لە “پێشبڕکێکی نیکۆن بۆ جیهانی وردە زیندەوەرەکان”.
ڤیدیۆکە لەماوەی 48 کاتژمێردا گیراوە و لەگەڵ تۆمارکردنی وێنەکان لەهەموو 10 خولەکێکدا، لە ڤیدیۆکەدا ڤایرۆسەکان بەڕەنگی سوور دەردەکەون و لەنێوان خانەکانی مێشکدا بڵاودەبنەوە، لەگەڵ توشبوونی خانەیەک و گرتنی لەلایەن ڤایرۆسەکەوە لەگەڵ خانەکانی دیکەی تەنیشتیدا یەکدەگرێت و دوای ئەوەی تۆپەڵ دەبێت، خانەکە شیدەبێتەوە و دەمرێت.
ئیچەر کە یەکێکە لەوانەی ڤیدیۆکەيان تۆمارکردووە و پسپۆڕە لە نەخۆشییە ئاژەڵییە گواستراوەکاندا بەتایبەت ئەوانەی مرۆژەڵين و لە ئاژەڵەوە بۆ مرۆڤ دەگوازرێنەوە دەڵێت، ئەو سیناریۆیە کە لە مێشکی شەمشەمەکوێرەیەکەوە وێنەگیراوە هەمان سیناریۆیە کە لە مێشکی مرۆڤیشدا ڕوودەدات، جیاوازییەکەیان ئەوەیە لە شەمشەمەکوێرەدا نابێتە نەخۆشی بەڵام لە مرۆڤدا دەبێت.
Watch how the coronavirus nefariously infiltrates the cells of a bat brain in this video, taken by Sophie-Marie Aicher and Delphine Planas, which received an honorable mention in the 2021 Nikon Small World in Motion Competition. https://t.co/MM4QuHDOwL pic.twitter.com/cSSouFEB9O
— The New York Times (@nytimes) August 23, 2021
