بڕیارە لە کۆتایی ئەم هەفتەیەدا تەرمی سێ کۆچبەری کورد بگەڕێنرێنەوە هەرێمی کوردستان، کە دووانیان منداڵن و ئەوی دیکەیان ژنێکە.
دەزگای لوتکە بۆ کاروباری پەنابەران ڕایگەیاند، لە کاتژمێر 4:05 خولەکی ڕۆژی 30/6/2022 تەرمی سێ کۆچبەری کورد دەگەڕێنرێنەوە هەرێمی کوردستان کە لە کەناراوەکانی یۆنان تەرمەکانیان دۆزراونەتەوە.
لە ڕاگەیەندراوەکەی دەزگای لوتکەدا هاتووە، ئەو سێ کۆچبەرە کە دوو منداڵن لە تەمەنەکانی شەش ساڵ و نۆ ساڵ لەگەڵ ژنێکدا لە ڕووداوی نوقمبوونی بەلەمێکی کۆچبەران پێنج مانگ بەر لە ئێستا لە 21/12/2022دا خنکاون و بە سێ قۆناغی جیا تەرمەکانیان دۆزراوەتەوە.
تەرمی سێ کۆچبەرە کوردەکە لەڕێگەی فڕۆکەخانەی نێودەوڵەتیی هەولێرەوە دەگەڕێنرێنەوە هەرێمی کوردستان.
