وەزارەتی كارەبای عێراق ڕایگەیاند، دەچینە بازاڕی وزەوە و كارەبا بە توركیا و ئوردن و كەنداوەوە دەبەستینەوە.
عێراق دەیەوێت “سەقامگیریی ڤۆڵتی و ئامادەیی تۆڕەكانی كارەبا فەراهەم بكات، بۆیە تۆڕەكانی كارەبا بە توركیا و ئوردن و كەنداوەوە دەبەستێتەوە”، ئەمە قسەی ئەحمەد موسا وتەبێژی وەزارەتی كارەبای عێراقە و دەڵێت، بە پێكەوەبەستنی تۆڕەكانی كارەبای ئەو وڵاتانە، عێراق سوودمەند دەبێت، چونكە ڕێڕەوەی هێڵەكانە.
ئەحمەد موسا ڕایگەیاند، دەبێت وەزارەتی كارەبا وێستگە دروستبكات و بەردەوامە لە دروستكردنی وێستگەی غازی و وێستگەی بەرهەمهێنانی كارەبا بە تیشكی خۆر.
وەزارەتی كارەبای عێراق وتی، “دەچینە بازاڕی وزەوە، بەستنەوەی تۆڕەكانی كارەبا هاوشێوەی وڵاتانی یەكێتیی ئەوروپا و حەوت وڵاتەكەی كەنداوی عەرەبی لێدەكەین”.
